ஆதித்ய வர்மா, மகான் படங்களைத் தொடர்ந்து தற்போது மாரி செல்வராஜ் இயக்கும் பைசன் என்ற படத்தில் நடித்துள்ளார் துருவ் விக்ரம். அவருக்கு ஜோடியாக அனுபமா பரமேஸ்வரன் நடித்துள்ளார். மேலும் பசுபதி, ரஜிஷா விஜயன், கலையரசன் உள்ளிட்ட பலர் முக்கிய வேடங்களில் நடிக்கிறார்கள். இப்படம் வருகிற அக்டோபர் 17ம் தேதி திரைக்கு வருகிறது.
இந்த நிலையில் ஹிந்தியில் 2023ம் ஆண்டு வெளியான கில் என்ற படத்தின் தமிழ் ரீமேக்கில் துருவ் விக்ரமை நடிக்க வைக்க தற்போது பேச்சுவார்த்தை நடந்து வருகிறது. அதிரடியான ஆக்ஷன் கதையில் உருவான இந்த கில் படத்தை, நிகில் நாகேஷ் பட் என்பவர் இயக்கினார். லஸ்யா லால்வாணி, தன்யா மணித்லா, ஆசிஷ் வித்யார்த்தி உள்ளிட்ட பலர் முக்கிய வேடங்களில் நடித்திருந்தார்கள்.
பைசன் படம் திரைக்கு வருவதற்கு முன்பே இந்த படம் தொடங்கப்பட்டு விடும் என்றும் கூறப்படுகிறது. மேலும் துருவ் விக்ரம் நடித்த முதல் படமான ஆதித்ய வர்மா படமும் அர்ஜுன் ரெட்டி தெலுங்கு ரீமேக் என்பது குறிப்பிடத்தக்கது.
