கனடாவின் மத்திய வங்கி (Bank of Canada), எதிர்காலத்தில் வட்டி விகிதங்களை மேலும் அதிகரிக்க வேண்டிய நிலை ஏற்படலாம் எனக் கருதினாலும், அது தொடர்பில் மிகுந்த எச்சரிக்கையுடன் செயல்பட்டு வருவதாகத் தெரிவிக்கப்பட்டுள்ளது.
கடந்த ஒக்டோபர் மாதம் 2023ஆம் ஆண்டுக்குப் பின்னர் முதல் முறையாக வட்டி விகிதத்தை அதிகரித்த வங்கியின் முடிவு குறித்த ஆலோசனைகளின் சுருக்க அறிக்கை செவ்வாய்க்கிழமை வெளியிடப்பட்டது.
இதன்படி, வட்டி விகிதம் தொடர்பான ஒவ்வொரு முடிவையும் அடுத்தடுத்த கூட்டங்களின் அடிப்படையில் தனித்தனியாக எடுக்க ஆளுநர் குழு தீர்மானித்துள்ளது.
மத்திய கிழக்கில் நிலவும் போர் பதற்றம், கனடா – அமெரிக்க வர்த்தக உறவுகள், உலகளாவிய நிதிச் சூழல் மற்றும் வணிக நிறுவனங்கள், குடும்பங்களின் பொருளாதார நடவடிக்கைகள் ஆகியவை எதிர்கால வட்டி விகித முடிவுகளில் தாக்கத்தை ஏற்படுத்தக்கூடும் எனக் குழு சுட்டிக்காட்டியுள்ளது.
கடந்த மாதம், தொடர்ச்சியாக உயர்வாகக் காணப்படும் எண்ணெய் விலைகள் பணவீக்கத்தை மேலும் அதிகரிப்பதைத் தடுக்கும் நோக்கில், கனடா மத்திய வங்கி தனது கொள்கை வட்டி விகிதத்தை 0.25 சதவீதப் புள்ளிகளால் உயர்த்தி 2.5 சதவீதமாக அறிவித்திருந்தது.
எதிர்காலத்தில் பொருளாதார நிலைமைகள் மற்றும் பணவீக்கத்தின் போக்கைக் கருத்தில் கொண்டு வட்டி விகிதம் தொடர்பான தீர்மானங்கள் எடுக்கப்படும் என எதிர்பார்க்கப்படுகிறது.
, எதிர்காலத்தில் வட்டி விகிதங்களை மேலும் அதிகரிக்க வேண்டிய நிலை ஏற்படலாம் எனக்){kind=link}