கனடாவின் டொராண்டோ நகரின் 66-வது மேயர் ஒலிவியா சௌ!

கனடாவின் ஒன்ராறியோ மாகாண உள்ளூராட்சித் தேர்தல் (Ontario Municipal Elections), வரும் 2026 அக்டோபர் 26 திங்கட்கிழமை அன்று நடைபெறவுள்ளது. இந்தத் தேர்தலில் ஒன்ராறியோ மாகாணத்திலுள்ள மாநகர முதல்வர்கள் (Mayors), உள்ளூராட்சி மன்ற உறுப்பினர்கள் (Councillors) மற்றும் பள்ளிச் சபை அறங்காவலர்கள் (School Board Trustees) ஆகியோர் தேர்ந்தெடுக்கப்படவுள்ளனர்.

ரொறன்ரோவில் தற்போதைய மேயர் ஒலிவியா சௌ (Olivia Chow) தனது பதவியைத் தக்கவைக்க போட்டியிடுகிறார். அவரை எதிர்த்து பிராட் பிராட்போர்ட் (Brad Bradford), கிறிஸ் அலெக்சாண்டர் (Chris Alexander) உள்ளிட்டோர் களமிறங்குகின்றனர்.

ஒலிவியா சௌ (Olivia Chow)

ஒலிவியா சௌ (Olivia Chow) கனடாவின் டொராண்டோ நகரின் 66-வது மேயர் ஆவார். 2023, ஜூலை 12 அன்று இப்பதவியைப் பொறுப்பேற்ற இவர், டொராண்டோ மாநகர வரலாற்றில் மேயராகத் தேர்ந்தெடுக்கப்பட்ட ஆசிய வம்சாவளியைச் சேர்ந்த முதல் பெண்ணாவார்.

ஹாங்காங்கில் பிறந்த இவர், தனது 13-வது வயதில் குடும்பத்துடன் டொராண்டோவிற்கு இடம்பெயர்ந்தார்.
நியூ டெமாக்ரடிக் கட்சியின் (NDP) நாடாளுமன்ற உறுப்பினராக (MP) 2006 முதல் 2014 வரை பணியாற்றியுள்ளார். அதற்கு முன்பாக டொராண்டோ நகரின் கவுன்சிலராகவும், பள்ளி வாரிய அறங்காவலராகவும் இருந்துள்ளார். கனடாவின் முக்கிய அரசியல் தலைவரான மறைந்த ஜாக் லேட்டனின் (Jack Layton) மனைவி ஆவார்.

தனது மேயர் பதவிக்காலத்தில் வீட்டுவசதித் திட்டங்கள், பொதுப் போக்குவரத்து கட்டணக் கட்டுப்பாடு (TTC fare freeze) மற்றும் பள்ளிக் குழந்தைகளுக்கான உணவுத் திட்ட விரிவாக்கம் போன்ற சமூக நலத்திட்டங்களை முன்னெடுத்துள்ளார்.

தற்போது டொராண்டோ மாநகர மேயர் தேர்தல் நடைபெற்று வரும் நிலையில், ஒலிவியா சௌ மீண்டும் மேயர் பதவிக்குப் போட்டியிடுகிறார். இத்தேர்தலில் இவருக்கும் மற்றொரு முக்கிய வேட்பாளரான பிராட் பிராட்போர்டுக்கும் (Brad Bradford) இடையே கடுமையான போட்டி நிலவி வருகிறது.

மிசிசாகா, பிராம்ப்டன், ஒட்டாவா உள்ளிட்ட ஒன்ராறியோவின் அனைத்து முக்கிய நகராட்சிகளிலும் ஒரே நாளில் இத்தேர்தல் இடம்பெறவுள்ளது.

வாக்காளர்கள் தங்களின் விபரங்களைச் சரிபார்க்கவும், தத்தமது நகராட்சியில் போட்டியிடும் வேட்பாளர்கள் மற்றும் வாக்குச்சாவடிகள் பற்றிய விபரங்களை அறியவும் தங்களின் உள்ளூர் நகராட்சி இணையதளத்தை நாடலாம்.