தெலுங்கு நடிகர் நானி தயாரிப்பில் உருவாகியுள்ள ‘அலைஸ் ருக்மணி’ திரைப்படத்தின் வெளியீட்டுத் திகதி அறிவிக்கப்பட்டுள்ளது. இப்படம் எதிர்வரும் டிசம்பர் 4ஆம் திகதி திரையரங்குகளில் வெளியாகவுள்ளது.
நானியின் தயாரிப்பு நிறுவனமான யுனானிமஸ் புரொடக்ஷன்ஸ் தயாரித்துள்ள இத்திரைப்படத்தை முரளி காந்த் இயக்கியுள்ளார். இதில் நடிகர் நிதின் கதாநாயகனாக நடித்துள்ளார். நானியின் தங்கை தீப்தி கன்டா தயாரிப்புப் பணிகளில் ஈடுபட்டுள்ளார்.
இதற்கு முன்னர் முரளி காந்த் இயக்கிய ‘தண்டோரா’ திரைப்படம் வரவேற்பைப் பெற்றதுடன், கத்தார் திரைப்பட விருதையும் வென்றதாகத் தெரிவிக்கப்பட்டுள்ளது.
விஜய் புல்கன் இசையமைக்கும் ‘அலைஸ் ருக்மணி’ திரைப்படத்தில் நிதின் வித்தியாசமான கதாபாத்திரத்தில் நடித்துள்ளதாகக் கூறப்படுகிறது. சாதாரண நடுத்தரக் குடும்பத்தைச் சேர்ந்த மனிதராக நிதின் தோன்றும் புகைப்படமும் கவனத்தை ஈர்த்துள்ளது.
