விஜய் டிவியில் ஒளிபரப்பாகி வரும் பிக்பாஸ் நிகழ்ச்சியின் 7 சீசன்களை நடிகர் கமல்ஹாசன் தொகுத்து வழங்கி வந்தார். அதையடுத்து 8வது சீசனை நடிகர் விஜய் சேதுபதி தொகுத்து வழங்கினார். அந்த சீசன் கடந்த ஜனவரி மாதம் முடிந்தது. இந்நிலையில் பிக்பாஸ் நிகழ்ச்சியின் 9வது சீசன் வருகிற செப்டம்பர் மாதம் தொடங்க இருப்பதாக விஜய் டிவி வட்டாரங்களில் ஒரு தகவல் வெளியாகி உள்ளது.
இந்த சீசனையும் விஜய் சேதுபதியே தொகுத்து வழங்க இருப்பதாக கூறப்படும் நிலையில், இந்த போட்டியில் பங்கேற்க ஏராளமான பிரபலங்கள் விஜய் டிவிக்கு தங்கள் சம்பந்தப்பட்ட விவரங்களை அனுப்பி வருவதாக கூறுகிறார்கள். அதனால் அடுத்த மாதத்தில் இருந்து பிக்பாஸ் சீசன்-9 நிகழ்ச்சியில் பங்கேற்கும் போட்டியாளர்கள் தேர்வு நடைபெறும் என்று கூறுகிறார்கள்.
