நாடு முழுவதும் பல பகுதிகளில் கடுமையான மின்னல் தாக்கம் ஏற்படக்கூடும் என்பதால், வானிலை ஆய்வு மையம் ‘அம்பர்’ (Amber) எச்சரிக்கையை விடுத்துள்ளது.
இந்த எச்சரிக்கையின்படி, இன்று (06) பிற்பகல் 1.00 மணிக்கு மேல், 22 மாவட்டங்களில் உள்ள பல்வேறு இடங்களில் கடுமையான மின்னல் இடியுடன் கூடிய மழை பெய்ய வாய்ப்புள்ளது.
இந்த மோசமான வானிலை, இடியுடன் கூடிய மழை மற்றும் மின்னல் தாக்குதல்களுக்கான வாய்ப்பை அதிகரிப்பதோடு, பொதுமக்களின் பாதுகாப்பிற்கு பெரும் அச்சுறுத்தலாகவும் அமையலாம் என எதிர்வுகூறப்பட்டுள்ளது.
இடியுடன் கூடிய மழையின் போது வெளியில் இருப்பவர்கள், மின்னல் தாக்குதலால் கடுமையான காயங்களுக்கு உள்ளாகலாம் அல்லது உயிரிழக்கும் அபாயமும் ஏற்படலாம் என கூறப்பட்டுள்ளது.
இடியுடன் கூடிய மழையுடன் பலத்த காற்றும் கனமழையும் பெய்யக்கூடும் என்பதால், உள்ளூர் அளவில் உள்கட்டமைப்பு சேதங்கள் மற்றும் போக்குவரத்து பாதிப்புகள் ஏற்பட வாய்ப்புள்ளதாகவும் தெரிவிக்கப்பட்டுள்ளது.
 எச்சரிக்கையை விடுத்துள்ளது.){kind=link}