Monday, November 23, 2026
spot_img
Homeவிளையாட்டு செய்திகள்நியூசிலாந்துக்கு எதிரான டெஸ்டில் இந்தியாவின் அதிரடி ஓட்டக் குவிப்பு!

நியூசிலாந்துக்கு எதிரான டெஸ்டில் இந்தியாவின் அதிரடி ஓட்டக் குவிப்பு!

இந்தியா – நியூசிலாந்து அணிகளுக்கு இடையிலான முதலாவது டெஸ்ட் போட்டியில், இந்திய அணி முதல் இன்னிங்ஸில் 9 விக்கெட் இழப்புக்கு 720 ஓட்டங்களைப் பெற்று ஆட்டத்தை நிறுத்திக்கொண்டுள்ளது.

வெலிங்டனில் நடைபெறும் இப்போட்டியில் நாணயச் சுழற்சியில் வெற்றி பெற்ற இந்திய அணி முதலில் பந்துவீச்சைத் தெரிவுசெய்தது. இதன்படி முதலில் துடுப்பெடுத்தாடிய நியூசிலாந்து அணி தனது முதல் இன்னிங்ஸில் 368 ஓட்டங்களுக்கு சகல விக்கெட்டுகளையும் இழந்தது.

இந்திய அணியின் முதல் இன்னிங்ஸில் கே.எல். ராகுல் மற்றும் ரிஷப் பந்த் ஆகியோர் சதம் அடித்தனர். ஷுப்மன் கில் 98 ஓட்டங்களையும், தேவ்தத் படிக்கல் 80 ஓட்டங்களையும், துருவ் ஜுரெல் 78 ஓட்டங்களையும் பெற்றனர்.

நியூசிலாந்து அணியின் பந்துவீச்சில் க்ளென் பிலிப்ஸ் 3 விக்கெட்டுகளையும், ரச்சின் ரவீந்திரா 2 விக்கெட்டுகளையும் வீழ்த்தியதுடன், ஏனைய வீரர்கள் தலா ஒரு விக்கெட்டைக் கைப்பற்றினர்.

இரண்டாவது இன்னிங்ஸில் துடுப்பெடுத்தாடி வரும் நியூசிலாந்து அணி, 35 ஓவர்களில் 2 விக்கெட் இழப்புக்கு 90 ஓட்டங்களைப் பெற்றுள்ளது. இந்திய அணியின் பந்துவீச்சில் ஜஸ்பிரித் பும்ரா மற்றும் பிரசித் கிருஷ்ணா தலா ஒரு விக்கெட்டைக் கைப்பற்றியுள்ளனர். தற்போது டெவான் கான்வே மற்றும் ரச்சின் ரவீந்திரா களத்தில் உள்ளனர்.

இந்திய அணியை விட நியூசிலாந்து அணி 262 ஓட்டங்கள் பின்தங்கியுள்ளது.

இதன்மூலம், வெளிநாட்டு மண்ணில் இந்திய அணி தனது அதிகபட்ச டெஸ்ட் ஓட்ட எண்ணிக்கையைப் பதிவு செய்துள்ளது. இதற்கு முன்னர் 2010ஆம் ஆண்டு இலங்கையில் 707 ஓட்டங்களைப் பெற்றதே இந்தியாவின் அதிகபட்சமாக இருந்தது. இந்தச் சாதனையை பாராட்டி இந்திய கிரிக்கெட் கட்டுப்பாட்டு வாரியம் (BCCI) வாழ்த்துப் பதிவையும் வெளியிட்டுள்ளது.

RELATED ARTICLES
- Advertisment -
Google search engine

Most Popular

Recent Comments