இளையராஜாவுக்கு பத்மபாணி விருது: அஜந்தா – எல்லோரா சர்வதேச திரைப்பட விழா அறிவிப்பு!

இந்தியத் திரையிசை உலகின் பிதாமகர் இசைஞானி இளையராஜாவுக்கு, அஜந்தா – எல்லோரா சர்வதேச திரைப்பட விழாவின் உயரிய விருதான ‘பத்மபாணி’ (Padmapani Award) வழங்கப்பட உள்ளது.

விருது அறிவிப்பு மற்றும் குழு

மகாராஷ்டிராவின் சத்ரபதி சம்பாஜி நகரில் நடைபெறவுள்ள 11-வது அஜந்தா எல்லோரா திரைப்பட விழாவில் இந்த விருது வழங்கப்படவுள்ளது. பிரபல இயக்குனர் அசுதோஷ் கோவாரிகர் தலைமையிலான தேர்வுக் குழுவினர் இந்த அறிவிப்பை வெளியிட்டுள்ளனர். இவ்விருது ஒரு சிற்பம், பாராட்டுப் பத்திரம் மற்றும் இரண்டு இலட்சம் ரூபாய் ரொக்கப் பரிசை உள்ளடக்கியது.

விழா குறித்த விபரங்கள்

• தேதி: ஜனவரி 28 முதல் பெப்ரவரி 4 வரை.

• நேரம்: ஜனவரி 28 மாலை 5:30 மணிக்கு விருது வழங்கல்.

• இடம்: சத்ரபதி சம்பாஜி நகரில் உள்ள ருக்மிணி அரங்கம்.

இளையராஜாவின் இசைப் பயணம்

ஐந்து தசாப்தங்களுக்கும் மேலாக இசைத்துறையில் கோலோச்சும் இளையராஜா, இதுவரை 1,500-க்கும் மேற்பட்ட திரைப்படங்களுக்கு 7,000-க்கும் அதிகமான பாடல்களைத் தந்துள்ளார். லண்டன் சிம்பொனி இசையில் சாதனை படைத்த இவருக்கு, ஏற்கனவே தேசிய மற்றும் சர்வதேச அளவில் பல கௌரவங்கள் கிடைத்துள்ளன.

முக்கிய விருந்தினர்கள்

இந்த 8 நாள் விழாவில் சுமார் 70 திரைப்படங்கள் திரையிடப்பட உள்ளன. இதற்கு முன்னர் ஜாவேத் அக்தர், ஓம் பூரி போன்ற ஜம்பவான்கள் இவ்விருதை பெற்றுள்ளமை குறிப்பிடத்தக்கது. இந்த விழாவில் சர்வதேச கலைஞர்கள் மற்றும் முக்கிய பிரமுகர்கள் பலர் கலந்துகொள்ளவுள்ளனர்.