நித்திலன் சாமிநாதன் இயக்கத்தில் விஜய் சேதுபதி நடித்து திரைக்கு வந்த படம் ‘மகாராஜா’. 100 கோடி வசூல் சாதனை செய்த இந்த படம் தற்போது சீன மொழியில் வெளியிடப்பட்டுள்ள நிலையில் அடுத்து ஜப்பான் மொழியிலும் வெளியாக உள்ளது. இந்த நிலையில் வெற்றிமாறன் இயக்கத்தில் விஜய் சேதுபதி நடித்துள்ள ‘விடுதலை- 2’ படம் டிசம்பர் 20ம் தேதி திரைக்கு வருகிறது. இப்படத்தின் புரமோஷன் நிகழ்ச்சிகளில் கலந்து வரும் விஜய் சேதுபதி நேற்று தெலுங்கு புரமோஷன் நிகழ்ச்சியில் கலந்து கொண்டார்.
அப்போது அவர் மீடியாக்களை சந்தித்தபோது, ராம்சரணின் 16வது படத்தில் நடிக்கிறீர்களா? என்று கேள்வி எழுப்பிய போது, அந்த படத்தில் நான் நடிக்கவில்லை என்று பதிலளித்த விஜய் சேதுபதி, ”நான் சில படங்களில் ஹீரோவாக நடித்து வருவதோடு, பிக்பாஸ் நிகழ்ச்சியையும் தொகுத்து வழங்கி வருகிறேன். போதுமான நேரமில்லாமல் பல படங்களை தவிர்த்து வருகிறேன். அதோடு சில படங்கள் கதை சிறப்பாக இருந்தாலும் என்னுடைய கதாபாத்திரம் வலுவாக இல்லாததால் அந்த படங்களை தவிர்த்து விடுகிறேன்” என்று கூறியிருக்கிறார்.
