அமெரிக்கா மற்றும் ஈரான் இடையேயான மோதல் உச்சக்கட்டத்தை எட்டியுள்ள நிலையில், மத்திய கிழக்கு பிராந்தியத்தில் அமெரிக்கா தனது இராணுவ பலத்தை தீவிரமாக அதிகரித்து வருகிறது.
இதன் ஒரு பகுதியாக, பிராந்தியத்தில் பதற்றத்தைக் கட்டுப்படுத்தவும், தனது நலன்களைப் பாதுகாக்கவும் கூடுதல் போர் விமானந்தாங்கி கப்பல்களையும் ஆயிரக்கணக்கான துருப்புக்களையும் அப்பகுதிக்கு அமெரிக்கா நகர்த்தி வருகிறது.
குறிப்பாக, உலகளாவிய எண்ணெய் மற்றும் வர்த்தகப் பாதையான ஹோர்முஸ் நீரிணையை சுற்றியுள்ள கடல் மார்க்கங்களைக் கண்காணிக்கவும், பாதுகாப்பு நடவடிக்கைகளை பலப்படுத்தவும் இந்த இராணுவ நகர்வுகள் முக்கியமானதாகக் கருதப்படுகின்றன.
அதே நேரத்தில், சர்வதேச அளவில் எரிபொருள் விநியோகத்தில் மிக முக்கிய பங்கு வகிக்கும் ஹோர்முஸ் நீரிணை திறப்பு விவகாரத்தில் ஈரான் தனது நிலைப்பாட்டில் உறுதியாக உள்ளது.
தங்களின் கோரிக்கைகள் மற்றும் நிபந்தனைகள் முழுமையாக நிறைவேற்றப்படும் வரை இந்த நீர்வழிப்பாதையைத் திறப்பதற்கான வாய்ப்பே இல்லை என ஈரான் பாராளுமன்ற சபாநாயகர் திட்டவட்டமாகத் தெரிவித்துள்ளார்.
இதனால் அமெரிக்காவுக்கும் ஈரானுக்கும் இடையேயான ராஜதந்திர மற்றும் இராணுவ மோதல் மேலும் தீவிரம் அடைந்துள்ளதுடன், உலக நாடுகளின் எரிபொருள் விநியோகமும் பொருளாதாரமும் பெருமளவு பாதிக்கப்படும் அபாயம் ஏற்பட்டுள்ளது.
