சீனா, தங்க அரோவானா மீனின் தோற்றத்தையும் நீந்தும் முறையையும் பின்பற்றும் வகையில் உருவாக்கப்பட்ட ‘BG-5 Golden Dragon Fish’ எனப்படும் நீருக்கடிப் ரோபோவை அறிமுகப்படுத்தியுள்ளது. இந்த ரோபோ நீரில் தன்னிச்சையாகச் செல்லக்கூடிய திறன் கொண்டதாக தெரிவிக்கப்பட்டுள்ளது.
பெய்ஜிங்கில் நடைபெற்ற 2026 சீன சர்வதேச சேவை வர்த்தகக் கண்காட்சியில் (CIFTIS) இந்த ரோபோ காட்சிப்படுத்தப்பட்டது. இதனை Boyagongdao Marine Technology Group நிறுவனம் உருவாக்கியுள்ளது. உண்மையான மீனைப் போன்ற தோற்றத்துடன், அதன் நீந்தும் அசைவுகளைப் பின்பற்றி இயங்கும் வகையில் இது வடிவமைக்கப்பட்டுள்ளது.
நீருக்கடிப் பகுதிகளில் கண்காணிப்பு, ஆய்வு மற்றும் உளவு நடவடிக்கைகள் உள்ளிட்ட பணிகளில் இத்தகைய ரோபோக்கள் பயன்படுத்தப்படக்கூடும் என தெரிவிக்கப்படுகிறது. மனிதர்கள் நேரடியாகச் செல்ல முடியாத நீருக்கடிப் பகுதிகளை ஆய்வு செய்வதிலும், எதிர்காலத்தில் பல ரோபோக்களை ஒருங்கிணைத்து கடல் நடவடிக்கைகளை மேற்கொள்வதிலும் இந்த தொழில்நுட்பம் முக்கிய பங்கு வகிக்கக்கூடும்.
