அடுத்த ஆண்டின் தொடக்கத்தில் அமலுக்கு வரவுள்ள அமெரிக்க அரசின் புதிய விமான பயண விதிமுறைகள், கனடாவிலிருந்து பயணம் செய்யும் பயணிகளை பாதிக்கலாம் எனத் தெரிவிக்கப்படுகின்றது.
எனினும், இது எந்த அளவிற்கு பெரிய தாக்கத்தை ஏற்படுத்தும் என்பதில் பயணத் துறை நிபுணர்களிடையே மாறுபட்ட கருத்துக்கள் நிலவுகின்றன.
அமெரிக்க போக்குவரத்துத் துறை கடந்த செப்டம்பர் மாதம் ஃபெடரல் பதிவேட்டில் வெளியிட்ட இந்த புதிய விதிகளின்படி, விமான தாமதங்கள் மற்றும் ரத்துகளுக்குக் காரணமான 10 வகையான நிகழ்வுகள் “விமான நிறுவனங்களின் கட்டுப்பாட்டிற்கு அப்பாற்பட்டவை” என மறுவகைப்படுத்தப்பட்டுள்ளன.
இந்த விதி முதலில் ஒக்டோபர் 19-ம் திகதி அமலுக்கு வரவிருந்தது.
ஆனால், தற்போது இது பெப்ரவரி 1, 2027 வரை ஒத்திவைக்கப்பட்டுள்ளது. புதிய விதிகளின் கீழ் விமான நிறுவனங்கள் வழங்கும் இழப்பீடுகள் மற்றும் உணவு/தங்குமிட வசதிகளின் மதிப்பு குறையும் என்பதை அமெரிக்க போக்குவரத்துத் துறை ஒப்புக்கொண்டுள்ளது.
