ஜன நாயகன் திரைப்படம்: CBFC விவகாரத்தில் தலையிட மறுத்த உச்சநீதிமன்றம்

நடிகர் விஜய் நடித்துள்ள ஜன நாயகன் திரைப்படத்திற்கு மத்திய திரைப்பட சான்றிதழ் குழு (CBFC) அனுமதி வழங்க உத்தரவிடக் கோரி தயாரிப்பு நிறுவனம் தாக்கல் செய்த மனுவை உச்சநீதிமன்றம் தள்ளுபடி செய்துள்ளது.

இந்த வழக்கை விசாரித்த நீதிபதிகள் திபாங்கர் தத்தா மற்றும் ஆகஸ்டின் ஜார்ஜ் மசிஹ் அடங்கிய அமர்வு, இந்த விவகாரத்தை ஜனவரி 20ஆம் தேதி சென்னை உயர்நீதிமன்றத்தின் இரட்டை அமர்வு விசாரிக்கவுள்ளதால், தற்போதைக்கு தலையிட அவசியமில்லை என தெரிவித்தது.

இந்த மனுவை KVN Productions LLP நிறுவனம் தாக்கல் செய்திருந்தது. சென்னை உயர்நீதிமன்றத்தின் ஒற்றை நீதிபதி CBFC உடனடியாக திரைப்படத்திற்கு சான்றிதழ் வழங்க வேண்டும் என உத்தரவிட்டிருந்தார்.

ஆனால், அந்த உத்தரவை இரட்டை அமர்வு இடைநிறுத்தம் செய்ததை எதிர்த்து உச்சநீதிமன்றத்தை தயாரிப்பு நிறுவனம் அணுகியது.

“ஒரே நாளில் தீர்ப்பு” – நீதிபதிகளின் கருத்து

மனுதாரர் தரப்பில் மூத்த வழக்கறிஞர் முகுல் ரோகத்கி ஆஜராகி, “CBFC அனுமதிக்கு முன்பே வெளியீட்டு தேதியை அறிவிப்பது சினிமா துறையில் வழக்கமான நடைமுறை” என வாதிட்டார்.

மேலும், 5,000க்கும் மேற்பட்ட திரையரங்குகள் முன்பதிவு செய்யப்பட்டுள்ளதாகவும் கூறினார்.

இதற்கு பதிலளித்த நீதிபதி திபாங்கர் தத்தா,

CBFC தலைவரின் ஜனவரி 6ஆம் தேதியிலான உத்தரவை நேரடியாக சவால் செய்யவில்லை எனவும் நீதிமன்றம் சுட்டிக்காட்டியது. “அந்த உத்தரவை எதிர்த்து மனுவை திருத்தியிருக்க வேண்டும்” என்றும் நீதிபதி தெரிவித்தார்.

ஜனவரி 20ல் தீர்ப்பு வழங்க முயற்சி

வழக்கு காரணமாக தமக்கு பெரும் இழப்பு ஏற்பட்டுள்ளதாக கூறிய ரோகத்கி, ஜனவரி 20ஆம் தேதியே உயர்நீதிமன்றம் தீர்ப்பு வழங்க வேண்டும் என கோரினார்.

இதனை ஏற்று,
“உயர்நீதிமன்ற இரட்டை அமர்வு ஜனவரி 20ஆம் தேதி வழக்கை முடிவுசெய்ய முயற்சி செய்யலாம்” என உச்சநீதிமன்றம் கருத்து தெரிவித்தது.

பின்னணி

ஜன நாயகன் திரைப்படம் நடிகர் விஜயின் இறுதி திரைப்படம் என கூறப்படுகிறது. அவர் தற்போது தமிழக வெற்றி கழகம் (TVK) என்ற கட்சியை தொடங்கி முழுநேர அரசியலில் ஈடுபட்டுள்ளார். படம் ஜனவரி 9ஆம் தேதி பொங்கல் வெளியீடாக அறிவிக்கப்பட்டிருந்தது.

CBFC-யின் சென்னை மண்டல பரிசோதனை குழு, சில திருத்தங்களுக்கு உட்பட்டு U/A 16+ சான்றிதழ் வழங்க பரிந்துரை செய்திருந்தது.

ஆனால், ஆய்வு குழுவில் இருந்த ஒரு உறுப்பினர் தாக்கல் செய்த புகாரின் அடிப்படையில், திரைப்படத்தின் சில காட்சிகள் மத உணர்வுகளை பாதிப்பதாகவும், ராணுவத்தை தவறாக சித்தரிப்பதாகவும் கூறி, CBFC தலைவர் இந்த படத்தை மறுபரிசீலனை குழுவிற்கு அனுப்ப உத்தரவிட்டார்.

இதனை எதிர்த்து தயாரிப்பாளர் சென்னை உயர்நீதிமன்றத்தை அணுகினார். ஒற்றை நீதிபதி இந்த உத்தரவை செல்லாது என அறிவித்து CBFC உடனடியாக சான்றிதழ் வழங்க வேண்டும் என உத்தரவிட்டார்.

ஆனால், அதே நாளில் CBFC மேல்முறையீடு செய்ததை தொடர்ந்து, இரட்டை அமர்வு அந்த உத்தரவை இடைநிறுத்தி, வழக்கை ஜனவரி 20க்கு ஒத்திவைத்தது.