கனடாவின் டொராண்டோ மாநகராட்சிக்கான 2026-ஆம் ஆண்டு பொதுத்தேர்தலில் வாக்காளர்கள் மிக அதிக எண்ணிக்கையில் பங்கேற்று வாக்களித்துள்ளனர்.
அதிகாரப்பூர்வமற்ற தேர்தல் முடிவுகளின்படி, நகரின் 1,431 வாக்குச்சாவடி மையங்களில் மொத்தம் 9,82,660 வாக்குகள் பதிவாகியுள்ளன.
இதன் மூலம் மொத்த வாக்குப்பதிவு 45.8 சதவீதமாக உயர்ந்துள்ளது.
இது 2014-ஆம் ஆண்டுக்குப் பிறகு டொராண்டோ மாநகரத் தேர்தலில் பதிவான மிக உயர்ந்த வாக்குப்பதிவு விகிதமாகும். கடந்த 2022 தேர்தலில் 29.7 சதவீதமாக வீழ்ச்சியடைந்திருந்த நிலையில், தற்போது வாக்குப்பதிவு கணிசமாக மீண்டெழுந்துள்ளது.
இந்தத் தேர்தலில் மேயர் பதவிக்கான போட்டியில் தற்போதைய மேயர் ஒலிவியா சோ மற்றும் நகர்மன்ற உறுப்பினர் பிராட் பிராட்போர்ட் ஆகியோருக்கு இடையே கடுமையான போட்டி நிலவியது.
இதில் ஒலிவியா சோ வெற்றி பெற்று தனது முதல் முழுப் பதவிக் காலத்தை உறுதி செய்துள்ளார்.
முன்னதாக ஜான் டோரி பதவி விலகியதைத் தொடர்ந்து, 2023 இடைத்தேர்தலில் வெற்றி பெற்று ஒலிவியா சோ முதன்முதலில் மேயர் பொறுப்பை ஏற்றிருந்தார் என்பது குறிப்பிடத்தக்கது.
