டொராண்டோ ஸ்கார்பாரோ பகுதியில் மூன்று இளம் குழந்தைகள் அவர்களின் தாயாரால் கடத்தப்பட்ட சம்பவம் தொடர்பாக காவல்துறையினர் தீவிர விசாரணை நடத்தி வருகின்றனர். வெள்ளிக்கிழமை முற்பகல் 11:30 மணியளவில் மிட்லேண்ட் அவென்யூ மற்றும் எக்ளிண்டன் அவென்யூ கிழக்கு பகுதியில் இந்த சம்பவம் நிகழ்ந்துள்ளது.
பாதுகாப்பு மேற்பார்வையின் கீழ் குடும்ப உறுப்பினரைச் சந்திக்க வந்த நான்கு மாத குழந்தை அனஸ்தாசியா, மூன்று வயது சிறுமி இரினா மற்றும் ஆறு வயது சிறுவன் டேனியல் ஆகிய மூன்று குழந்தைகளை, குழந்தைகளின் சட்டப்பூர்வ பாதுகாப்பு உரிமை இல்லாத தாய் சோமெர்டா மிக்லெஸ்கு கடத்திச் சென்றுள்ளதாக காவல்துறை தெரிவித்துள்ளது. 22 வயதான சோமெர்டா மிக்லெஸ்கு மீது பெற்றோர் கடத்தல் குற்றச்சாட்டின் கீழ் பிடியாணை பிறப்பிக்கப்பட்டுள்ளது.
குழந்தைகளுக்கு உடனடி ஆபத்து இருப்பதற்கான ஆதாரங்கள் இல்லாததாலும், அவர்கள் மாகாணத்தையோ அல்லது நாட்டையோ விட்டு வெளியேற முயற்சிக்கவில்லை என்பதாலும் அம்பர் எச்சரிக்கை அறிவிப்பு வெளியிடப்படவில்லை என டொராண்டோ காவல்துறை ஆய்வாளர் ஜெஃப் அலிங்டன் தெளிவுபடுத்தியுள்ளார்.
