கனடாவின் ஆயுதப் படையைச் சேர்ந்த உறுப்பினர்களை உள்ளடக்கிய ஆட்கடத்தல் விசாரணை தொடர்பாக, Toronto பொலிஸார் இன்றையதினம் காலை புதிய தகவல்களை வெளியிடவுள்ளதாகத் தெரிவித்துள்ளனர்.
Toronto பொலிஸ் தலைமையகத்தில் காலை 11 மணிக்கு நடைபெறும் செய்தியாளர் சந்திப்பில், பொலிஸ் தலைமை அதிகாரி Myron Demkiw ஊடகங்களுக்குக் கருத்துத் தெரிவிப்பார். அவருடன் துப்பறியும் நடவடிக்கைகளுக்கான சிரேஷ்ட அத்தியட்சகர் Joe Matthews அவர்களும் கலந்துகொள்வார்.
இந்த செய்தியாளர் சந்திப்புக்கு முன்னதாக, விசாரணை தொடர்பாக பொலிஸார் மிகக் குறைந்த அளவிலான தகவல்களையே வெளியிட்டுள்ளனர்.
கனடாவின் ஆயுதப் படைகள், கனடாவின் Royal Canadian Navy, Canadian Army மற்றும் கனடாவின் Royal Canadian Air Force ஆகியவற்றில் பணியாற்றும் உறுப்பினர்களைக் கொண்டுள்ளன.
இந்த விசாரணையில் தற்போது பணியில் உள்ள இராணுவத்தினர், துணை இராணுவத்தினர் அல்லது வேறு வகையில் ஆயுதப் படைகளுடன் தொடர்புடைய நபர்கள் சம்பந்தப்பட்டுள்ளார்களா என்பது குறித்து உடனடியாகத் தெளிவான தகவல்கள் வெளியாகவில்லை.
