கனடாவின் சஸ்காடூன் நகர மையப்பகுதியில் 21 வயதுடைய இளைஞர் ஒருவர் சடலமாகக் கண்டெடுக்கப்பட்டதை அடுத்து, அந்நகரில் 2026 ஆம் ஆண்டில் இடம்பெற்ற 11ஆவது கொலைச் சம்பவம் தொடர்பில் சஸ்காடூன் பொலிஸார் விசாரணைகளை மேற்கொண்டு வருகின்றனர்.
சனிக்கிழமை பிற்பகல் 1:00 மணியளவில், 3வது அவென்யூ நோர்த் பகுதியின் 200 ஆவது பிளாக்கில் நபரொருவர் சுயநினைவின்றி விழுந்துகிடப்பதாகப் பொலிஸாருக்குத் தகவல் கிடைத்தது.
தகவலறிந்து சம்பவ இடத்திற்கு விரைந்த பொலிஸாரும் அவசர மருத்துவக் குழுவினரும், 21 வயதுடைய இளைஞர் உயிரிழந்து கிடப்பதைக் கண்டறிந்தனர்.
மருத்துவப் பரிசோதனைகளின் பின்னர், இந்த மரணம் ஒரு கொலைச் சம்பவம் எனப் பொலிஸார் உறுதிப்படுத்தினர்.
இக்கொலைச் சம்பவம் தொடர்பில் சஸ்காடூன் பொலிஸ் திணைக்களத்தின் குற்றப் புலனாய்வுப் பிரிவு மற்றும் தடயவியல் அடையாளப் பிரிவு அதிகாரிகள் தீவிர விசாரணைகளை முன்னெடுத்து வருகின்றனர்.
இச்சம்பவம் தொடர்பான ஏதேனும் தகவல்கள் தெரிந்தவர்கள் உடனடியாக பொலிஸாரைத் தொடர்புகொண்டு தெரிவிக்குமாறு கேட்டுக்கொள்ளப்பட்டுள்ளனர்.
