ஈரான் சமர்ப்பித்த போர்க்கள அமைதி மற்றும் போர்நிறுத்த திட்ட நிராகரிப்புகளுக்குப் பிறகு, நவம்பர் மாதம் நடைபெறவுள்ள அமெரிக்க இடைக்காலத் தேர்தலுக்குப் (Midterm Elections) பிறகு ஈரான் மீது மீண்டும் பெருமளவிலான வான்வழித் தாக்குதல்களைத் தொடங்குவது “சாத்தியமே” என்று அமெரிக்க ஜனாதிபதி டொனால்ட் ட்ரம்ப் அறிவித்துள்ளார்.
ஹோர்முஸ் நீரிணையை (Strait of Hormuz) மீண்டும் திறப்பது தொடர்பாகவும் தடைகளை நீக்குவது தொடர்பாகவும் ஈரான் அளித்த சமரச முன்மொழிவுகள் போதிய வலுவாக இல்லை எனக் கூறி அமெரிக்கா அவற்றை நிராகரித்துவிட்டது.
வாஷிங்டன், ஈரான் மீது கூடுதல் கட்டுப்பாடுகளை விதிக்க விரும்புவதால், இரு நாடுகளுக்கும் இடையே மறைமுகமாக நடைபெற்று வந்த அமைத்துப் பேச்சுவார்த்தைகள் தற்போது முற்றிலும் முடங்கியுள்ளன.
ஈரானின் பொருளாதார நிலைமை, அதன் கடற்படை மற்றும் வான்வழி உள்கட்டமைப்புகள் அமெரிக்கத் தாக்குதல்களால் ஏற்கனவே பலவீனமடைந்துள்ளதாகக் குறிப்பிடும் ட்ரம்ப், ஈரான் அணு ஆயுதத்தைப் பெறுவதைத் தடுப்பதே அமெரிக்காவின் முக்கிய நோக்கம் என வலியுறுத்தியுள்ளார்.
அமெரிக்க இடைக்காலத் தேர்தலுக்குத் தயாராகி வரும் சூழலில், ஈரானின் எண்ணெய் ஏற்றுமதி வழிகள் மற்றும் போக்குவரத்து அமைப்புகள் மீதான பொருளாதாரத் தடைகளையும் அமெரிக்கா தீவிரப்படுத்தியுள்ளது.
பேச்சுவார்த்தைகளில் குறிப்பிடத்தக்க முன்னேற்றம் ஏதும் ஏற்படாத பட்சத்தில், தேர்தல் முடிந்த கையோடு இராணுவத் தாக்குதல்கள் மீண்டும் தீவிரமடையும் என்ற அச்சம் மத்திய கிழக்கில் பெருமளவில் அதிகரித்துள்ளது.
