மீன்பிடியில் ஈடுபட்ட தமிழக மீனவர்கள் இருவர் மாயம்

கடந்த செவ்வாய் கிழமை
(6) அன்று தொடர்ச்சியாக வானிலை எச்சரிக்கை அறிவிக்கப்பட்டிருந்த போதிலும், குந்துகால் FLC பகுதியில் இருந்து, திரு. நம்புசாமி (த/பெ. கருப்பையா) என்பவருக்குச் சொந்தமான, பதிவு செய்யப்படாத இயந்திரம் பொருத்தப்பட்ட மீன்பிடி படகில், பின்வரும் 5 மீனவர்கள் பலநாள் மீன்பிடிக்காக கடலுக்குச் சென்றனர்.

ரீகன், த/பெ. கிங்ஸ்டன், தெற்கு வாடி
சரத்குமார், த/பெ. கருப்பையா, சின்னபாளம்
டைசன், பெரியதலை
டோனி, த/பெ. செரோன், பாம்பன்
வெள்ளைச்சாமி, தெற்கு வாடி
இந்நிலையில், நேற்று 09.01.2026 அன்று தனுஷ்கோடி அருகே மீன்பிடியில் ஈடுபட்டிருந்த போது, படகிலிருந்த இருவர் கடலில் தவறி விழுந்து காணாமல் போயுள்ளனர்.

சரத்குமார், த/பெ. கருப்பையா, சின்னபாளம்
டைசன், பெரியதலை
மீதமுள்ள குழுவினர் தேடுதல் மற்றும் மீட்பு நடவடிக்கைகளில் ஈடுபட்டு வருகின்றனர். இது தொடர்பான தேவையான தகவல்கள் மேலதிக நடவடிக்கைக்காக கடலோர காவல் படை மற்றும் கடற்படை காவல்துறைக்கு தெரிவிக்கப்பட்டுள்ளது.