தேனிசைத் தென்றல் தேவாவுக்கு அவுஸ்திரேலிய நாடாளுமன்றத்தில் உயரிய மரியாதை!

அவைத்தலைவர் இருக்கையில் அமரவைத்து, செங்கோலை கரங்களில் தந்தமைக்காக அவுஸ்திரேலிய அரசாங்கத்திற்கு தேனிசைத் தென்றல் தேவா நன்றி தெரிவித்துள்ளார்.

தமிழ் திரை இசையில் பல சாதனைகளை புரிந்து ரசிகர்களால் தேனிசைத் தென்றல் என்று அன்புடன் அழைக்கப்படும் இசையமைப்பாளர் தேவாவை அவுஸ்திரேலிய தமிழ் கலை மற்றும் பண்பாட்டு மேம்பாட்டு மையம் அண்மையில் கெள‌ரவித்தது.

அவுஸ்திரேலியாவிற்கு சென்றிருந்த தேவாவும் அவரது இசைகுழுவினரும் அவுஸ்திரேலிய அரசாங்கத்திற்கு நெஞ்சார்ந்த நன்றி தெரிவித்துள்ளனர்.

இது குறித்து தேவா கூறியதாவது: “அவுஸ்திரேலிய தமிழ் கலை மற்றும் பண்பாட்டு மேம்பாட்டு மையம் எனக்களித்த மரியாதை குறித்து உங்களுடன் பகிர்ந்து கொள்வதில் நான் உண்மையிலேயே பெருமைப்படுகிறேன்.

எனக்கும் எனது இசைக்கலைஞர்கள் குழுவிற்கும் இவ்வளவு அரிய கௌரவத்தை வழங்கியதற்காக அன்புள்ள திரு.லாரன்ஸ் அண்ணாதுரை மற்றும் அவுஸ்திரேலிய அரசாங்கத்துக்கு எனது மனமார்ந்த நன்றியைத் தெரிவித்துக் கொள்கிறேன்.

செப்டம்பர் 24ம் திகதி மாலையில், அவுஸ்திரேலிய நாடாளுமன்றத்தில் மிகுந்த மரியாதையுடன் வரவேற்கப்பட்டு, அவைத்தலைவர் இருக்கையில் அமர வாய்ப்பு அளிக்கப்பட்டு, மரியாதைக்குரிய செங்கோல் வழங்கப்பட்டது.

இந்த தருணம் எனக்கு மட்டுமல்ல, உலகம் முழுவதும் இசை மற்றும் கலாச்சாரத்தை பரப்பி வரும் ஒவ்வொரு தெற்காசிய கலைஞருக்கும் இது சொந்தம்.

எனது அன்பான ரசிகர்கள் மற்றும் நலம் விரும்பிகளுக்கு இந்த பெருமைமிகு தருணத்தில் மனமார்ந்த நன்றி தெரிவித்துக் கொள்கிறேன்.

எனது 36 ஆண்டுகால இசைப் பயணத்தில் உங்கள் அன்பும் ஆதரவும் எனது மிகப்பெரிய‌ பலமாக இருந்து வருகிறது.

இந்த அங்கீகாரத்தை உங்கள் அனைவருக்கும் சமர்ப்பிக்கிறேன்.” என்று குறிப்பிட்டுள்ளார்.

A historic honour for #ThenIsaiThendral #Deva!

During his visit to Australia, Deva was welcomed at the Australian Parliament, invited to sit in the Speaker’s chair, and presented with the ceremonial scepter

Deva expressed heartfelt gratitude to the Australian Government, the Tamil Arts & Cultural Centre, his fellow musicians, and his beloved fans.

மேலும் வாசிக்க >>>

தொண்டர்கள் மீது கை வைக்க வேண்டாம் – விஜய் உருக்கம்

TVK நிர்வாகி உயிர்மாய்ப்பு – தி.மு.க. அமைச்சர் மீது குற்றச்சாட்டு!

மன்னாரில் காற்றாலை விவகாரம் – எதிர்ப்பு தெரிவித்தவர்களுக்கு எதிராக மன்றில் முன்னெடுக்கப்பட்ட வழக்கு!

பெருந்தோட்ட தொழிலாளர்களின் சம்பள உயர்வு கோரி ஜனாதிபதிக்கு கடிதம்!

லிட்ரோ எரிவாயு விலையிலும் மாற்றமில்லை!

பேருந்து – மோட்டார் சைக்கிள் நேருக்கு நேர் மோதி விபத்து; இருவர் உயிரிழப்பு!

பிலிப்பைன்ஸில் சக்திவாய்ந்த நிலநடுக்கம் – பலர் பலி!