பராகுவேயிடம் தோல்வி: தொடரிலிருந்து வெளியேறிய ஜேர்மனி

2026 உலகக் கிண்ணப் கால்பந்து தொடரின் வெளியேற்றல் சுற்றில் (Knockout stage) பராகுவே அணியிடம் தோல்வியடைந்த ஜேர்மனி அணி தொடரிலிருந்து வெளியேறியுள்ளது.

போட்டியின் 42ஆவது நிமிடத்தில் பராகுவே அணி சார்பாக ஜூலியோ என்சிசோ (Julio Enciso) ஒரு கோலை அடித்தார்.

அதனைத் தொடர்ந்து, 54ஆவது நிமிடத்தில் ஜேர்மனி அணி சார்பாக கை ஹாவர்ட்ஸ் (Kai Havertz) ஒரு கோலை அடித்தார்.

போட்டியின் முதல் 90 நிமிடங்களுக்குள் இரு அணிகளாலும் வெற்றி பெற முடியாததால், நடுவர்கள் மேலதிக நேரத்தை வழங்க நடவடிக்கை எடுத்தனர்.

இருப்பினும், அந்த நேரத்திலும் இரு அணிகளாலும் கோல் எதனையும் பெற முடியவில்லை.

இதனையடுத்து, போட்டியின் வெற்றியைத் தீர்மானிக்க நடுவர்கள் பெனால்டி ஷூட்அவுட் (Penalty shootout) முறையை வழங்கினர்.

இதில் பராகுவே அணி ஐந்து பெனால்டி வாய்ப்புகளில் நான்கை வெற்றிகரமாகப் பயன்படுத்திய வேளையில், ஜேர்மனி அணியால் மூன்று பெனால்டி வாய்ப்புகளை மட்டுமே வெற்றிகரமாகப் பயன்படுத்த முடிந்தது.

இதற்கமைய பரகுவே அணி 4-3 என்ற கணக்கில் ஜெர்மனியை வீழ்த்தி காலிறுதிக்குத் தகுதி பெற்றுள்ளது.