கனடாவின் பிரிட்டிஷ் கொலம்பியா மாகாணத்தில் சனிக்கிழமை நடைபெற்ற உள்ளூராட்சித் தேர்தல்களில், பல முக்கிய நகரங்களின் பதவியிலிருந்த மேயர்கள் தோல்வியடைந்துள்ளனர். மாகாணம் முழுவதும் மாற்றத்திற்கான விருப்பத்தை வாக்காளர்கள் வெளிப்படுத்தியுள்ளதாகத் தெரிவிக்கப்படுகிறது.
வான்கூவர் நகர மேயர் தேர்தலில், தற்போதைய மேயர் கென் சிம்மைத் தோற்கடித்து பீட் ஃப்ரை வெற்றி பெற்றுள்ளார். இதன் மூலம், பிரிட்டிஷ் கொலம்பியாவின் அதிக மக்கள் தொகை கொண்ட நகரமான வான்கூவரின் மேயராகத் தெரிவு செய்யப்பட்ட முதல் பசுமைக் கட்சி வேட்பாளர் என்ற பெருமையை அவர் பெற்றுள்ளார்.
சர்ரே நகரில், நான்கு முறை மேயராகப் பதவி வகித்த டக் மெக்கல்லம், தற்போதைய மேயர் பிரெண்டா லொக்கை மீண்டும் எதிர்கொண்ட தேர்தலில் வெற்றி பெற்று, மேயர் பதவியை கைப்பற்றியுள்ளார்.
இதனிடையே, வெஸ்ட் வான்கூவர், நியூ வெஸ்ட்மின்ஸ்டர், பிரின்ஸ் ஜோர்ஜ், கம்லூப்ஸ், லாங்லி, பென்டிக்டன் மற்றும் ஃபோர்ட் செயின்ட் ஜான் உள்ளிட்ட பல நகரங்களிலும் மேயர் தேர்தல்களில் போட்டியாளர்கள் வெற்றி பெற்றுள்ளனர்.
இந்தத் தேர்தல் முடிவுகள், பிரிட்டிஷ் கொலம்பியாவின் பல நகரங்களில் வாக்காளர்கள் புதிய தலைமைத்துவத்தை எதிர்பார்த்திருப்பதை வெளிப்படுத்துகின்றன.
