வட மாகாணத்திலும் திருகோணமலை மற்றும் அனுராதபுரம் மாவட்டங்களிலும் சில இடங்களில் மழை பெய்யக்கூடும்.
சப்ரகமுவ மாகாணத்திலும் கண்டி மற்றும் நுவரெலியா மாவட்டங்களிலும் பிற்பகல் 2.00 மணிக்குப் பிறகு மழை அல்லது இடியுடன் கூடிய மழை பெய்யக்கூடும்.
நாட்டின் ஏனைய பகுதிகளில் பிரதானமாக வறட்சியான வானிலை நிலவும் என வளிமண்டலவியல் திணைக்களம் எதிர்வு கூறியுள்ளது.
மேற்கு, மத்திய, சபரகமுவ, ஊவா மற்றும் வடமேற்கு மாகாணங்களிலும், அனுராதபுரம், மன்னார், காலி மற்றும் மாத்தறை மாவட்டங்களிலும் அதிகாலை நேரங்களில் சில இடங்களில் மூடுபனியுடன் கூடிய வானிலை எதிர்பார்க்கப்படலாம்.
காற்று:
காங்கேசன்துறையிலிருந்து திருகோணமலை, பொத்துவில் மற்றும் ஹம்பாந்தோட்டை வழியாக காலி வரையிலான கடற்கரைக்கு அப்பால் உள்ள கடற்பரப்புகளில் காற்று கிழக்கு முதல் வடகிழக்கு வரை வீசும்.
நாட்டைச் சுற்றியுள்ள பிற கடற்பரப்புகளில் காற்றின் திசை மாறுபடும். காற்றின் வேகம் மணிக்கு (20-30) கி.மீ. இருக்கும்.
காங்கேசன்துறையிலிருந்து மன்னார் வழியாக புத்தளம் வரையிலான கடலோரப் பகுதிகளில் காற்றின் வேகம் அவ்வப்போது மணிக்கு 40 கி.மீ. வரை அதிகரிக்கலாம்.
கடல் நிலை:
காங்கேசன்துறையிலிருந்து மன்னார் வழியாக புத்தளம் வரையிலான கடலோரப் பகுதிகள் அவ்வப்போது மிதமானதாக இருக்கும். தீவைச் சுற்றியுள்ள பிற கடற்பரப்புகளில் லேசானதாக இருக்கும்.
