2025 செப்டம்பர் 11 அன்று வெளியிடப்பட்ட 2025 உலகளாவிய ஹென்லி கடவுச்சீட்டு குறியீட்டு தரவரிசையில் இலங்கையின் கடவுச்சீட்டு 97 ஆவது இடத்திற்குச் சரிந்துள்ளது.
இந்த ஆண்டின் தொடக்கத்தில் இலங்கை கடவுச்சீட்டு குறிப்பிடத்தக்க முன்னேற்றத்தைக் காட்டியது.
அதன்படி, 96 ஆவது இடத்திலிருந்து ஐந்து இடங்கள் முன்னேறி 91 ஆவது இடத்திற்கு சென்றது.
2024 ஆம் ஆண்டு 96 ஆவது இடத்தில் இருந்தது.
எனினும், அண்மைய புதுப்பிப்பில் இலங்கையின் கடவுச்சீட்டு தரவரிசையில் 97 ஆவது இடத்துக்கு சரிந்துள்ளது.
விசா இல்லாத நாடுகளுக்கான அணுகல் 41 ஆகும்.
இது முன்பு 42 நாடுகளாக இருந்தது.
இலங்கை தற்போது தரவரசை குறியீட்டில் ஈரானுடன் 97 ஆவது இடத்தைப் பகிர்ந்து கொள்கிறது.
ஹென்லி பாஸ்போர்ட் குறியீடு உலகளவில் பாஸ்போர்ட்களை அவற்றின் வைத்திருப்பவர்கள் முன் விசா இல்லாமல் நுழையக்கூடிய இடங்களின் எண்ணிக்கையின் அடிப்படையில் மதிப்பிடுகிறது.
உலகளாவிய சூழலில் அமெரிக்க கடவுச்சீட்டு 2025 ஜூலை தரவரிசையில் இருந்து இரண்டு இடங்கள் குறைந்து 12 ஆவது இடத்திற்குச் சரிந்துள்ளது.
இது தரவரிசையின் 20 ஆண்டுகால வரலாற்றில் அதன் மிகக் குறைந்த இடத்தைக் குறிக்கிறது.
உலகின் மிகவும் பலம்வாய்ந்த கடவுச்சீட்டாக சிங்கப்பூர் தொடர்ந்து முதலிடத்தைத் தக்க வைத்துக் கொண்டுள்ளது.
அதைத் தொடர்ந்து தென் கொரியா மற்றும் ஜப்பான் உள்ளன.
மறுமுனையில் ஆப்கானிஸ்தான் இறுதி இடத்தில் உள்ளது.
