இனிமேல் வாட்ஸ்அப் சேனல்களில் பகிரப்படும் படங்கள் மற்றும் வீடியோக்கள் செயற்கை நுண்ணறிவு, அதாவது AI மூலமா உருவாக்கப்பட்டதா அல்லது எடிட் செய்யப்பட்டதா என்பதை அடையாளம் காண புதிய “AI Content Label” அம்சத்தை மெட்டா நிறுவனம் அறிமுகம் செய்யவுள்ளது.
WABetaInfo தகவலின்படி, ஐ.ஓ.எஸ் (iOS) பீட்டா பயனர்களுக்கு இந்த அம்சம் சோதனை முறையில் கிடைத்து வருகிறது.
சேனல் அட்மின்கள் ஒரு பதிவை பகிரும்போது, அதன் கான்டெக்ஸ்ட் மெனுவில் (Context Menu) இந்த லேபிளை சேர்க்க முடியும்.
ஒருமுறை இந்த லேபிளை உறுதிப்படுத்திவிட்டால், அதை அட்மின்களால கூட நீக்க முடியாது.
சேனலைப் பார்க்கும் அனைவருக்கும் இந்த லேபிள் வெளிப்படையாகத் தெரியும்.
சாட்ஜிபிடி, ஜெமினி, மெட்டா ஏ.ஐ போன்ற எந்தவொரு தளத்தில் உருவாக்கப்பட்ட மீடியாவையும் வாட்ஸ்அப் தானாகவும் கண்டறிந்து லேபிள் செய்யக்கூடும்.
போலியான அல்லது AI மூலம் உருவாக்கப்பட்ட நிஜம் போன்ற படங்களால் மக்கள் ஏமாறாமல் இருக்கவும், சட்டப்பூர்வ AI விதிமுறைகளை பூர்த்தி செய்யவும் இந்த அம்சம் மிகவும் உதவியாக இருக்கும்.
தற்போது பீட்டா பயனர்களுக்கு மட்டுமே கிடைத்துள்ள இந்த அம்சம், விரைவில் அனைத்து பயனர்களுக்கும் பயன்பாட்டுக்கு வரும் என எதிர்பார்க்கப்படுகிறது.
