வவுனியா, நெளுக்குளம் கலைமகள் மகா வித்தியாலயத்திற்கு அருகில் மூன்று நபர்களுக்கு இடையில் ஏற்பட்ட தகராறு காரணமாக வீதியில் வீசப்பட்ட நபரொருவர் வாகனத்தில் மோதி காயமடைந்துள்ள நிலையில் வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக நெளுக்குளம் பொலிஸார் தெரிவித்தனர்.
இந்த சம்பவம் நேற்று ஞாயிற்றுக்கிழமை (10) மாலை இடம்பெற்றுள்ளது.
உயிரிழந்தவர் வவுனியா – நேரியகுளம் பிரதேசத்தைச் சேர்ந்த 30 வயதுடையவர் ஆவார்.
வாகனத்தில் மோதி காயமடைந்த நபர் வவுனியா வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.
இந்த சம்பவம் தொடர்பில் இரண்டு சந்தேக நபர்கள் கைது செய்யப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை நெளுக்குளம் பொலிஸார் மேற்கொண்டு வருகின்றனர்.
