கனடாவுக்கு ஆதரவான தனது பிரசாரத்தைப் பிரதமர் Mark Carney, Alberta மாகாணத்தில் தொடர்ந்து முன்னெடுத்து வருகிறார். அதேவேளை, கனடாவின் கூட்டாட்சி அமைப்பிலிருந்து பிரிந்து செல்வதா இல்லையா என்பது தொடர்பான வாக்கெடுப்புக்கான காலக்கெடு நெருங்கி வருகிறது.
இன்று அவர், மாகாண முதல்வர் Danielle Smith உடன் இணைந்து Red Deer நகருக்குச் செல்லத் திட்டமிட்டுள்ளார். பின்னர், Edmonton நகரில் “Forever Canadian” எனப்படும் கனடாவின் ஒற்றுமையை ஆதரிக்கும் அமைப்பு ஏற்பாடு செய்துள்ள பொதுக்கூட்டத்திலும் பங்கேற்கவுள்ளார்.
வியாழக்கிழமை, Calgary நகரில் அந்த அமைப்பு நடத்திய பொதுக்கூட்டத்தில் Carney உரையாற்றினார். சுமார் 5,000 பேர் கலந்துகொண்ட அந்தக் கூட்டத்தில் பேசிய அவர், கனடாவுக்கு எதிராக வாக்களிப்பது ஆபத்தான ஒரு மிரட்டல் உத்தியாகும் என்றும், அது பல ஆண்டுகளாக வாய்ப்புகளை இழக்கச் செய்யக்கூடும் என்றும் தெரிவித்தார்.
Alberta மக்களின் அதிருப்தியை ஏற்றுக்கொண்ட பிரதமர் Mark Carney, கனடாவின் ஒற்றுமையைப் பேணுவதற்கு ஒன்றுபட்ட கூட்டாட்சியை வலியுறுத்தினார். இதற்கிடையில், முதல்வர் Danielle Smith, கனடாவுடன் இணைந்திருப்பதா அல்லது பிரிவினை தொடர்பாக மற்றொரு வாக்கெடுப்பை நடத்துவதா என்பது உள்ளிட்ட 10 கேள்விகளை முன்வைத்துள்ளார். கனடாவின் கூட்டாட்சி அமைப்பில் Alberta தொடர்ந்து நீடிப்பதை ஆதரித்து Danielle Smith உம் Pierre Poilievre உம் மாநாட்டில் உரையாற்றவுள்ளனர்.
உலகம் தற்போது அதிக ஆபத்துகளையும் பிளவுகளையும் எதிர்கொள்வதாகவும், கனடாவுக்கு வெளியே உள்ள சிலர், “எங்களைத் தங்களுக்குச் சொந்தமாக்கிக் கொள்வதற்காக எங்களைப் பிளவுபடுத்த முயற்சிக்கின்றனர்” என்றும் பிரதமர் கூறினார்.
“இந்தப் பிரச்சினைக்கு முற்றுப்புள்ளி வைப்பதற்கு திங்கட்கிழமை நடைபெறும் வாக்கெடுப்பில் தெளிவான முடிவு கிடைக்க வேண்டும்,” என்றும் அவர் மேலும் வலியுறுத்தினார்.
